Bidh Fèis Latharna a’ cumail ‘Fèis’ gach bliadhna aig àm na Càisg far am faigh daoine òga aois 8-18 an cothrom a bhith timcheall ceòl traidseanta. Bidh iad ag ionnsachadh diofar ionnstramaidean fad na seachdain agus bidh iad a’ faighinn blasad den Ghàidhlig.

 

Thèid clasaichean a’ ruith tron latha ach tha tòrr thachartsan air an cumail air an oidhche cuideachd leithid; taisbeanadh san taigh dealbh, oidhche na luchd-teagaisg agus ceilidh teaghlaich. Tha fìor dheagh thaghadh de dh’ ionnsramaidean, seinn agus ealain air a thabhainn agus tha iad freagarrach an dà chuid do luchd-ionnsachaidh agus sàr eòlaichean ciùil.

 

Bidh an Fhèis a crìochnachadh le consart nan com-pàirtichean agus ‘s e fior dheagh chothrom a tha seo an cuid tàlant fhaicinn air an àrd ùrlar.  Tha seo fosgailte do phàrantan, teaghlaich agus caraidean.

​

​​​

Cuin? A’ chiad seachdain do làithean-saora na Càisge. Eadar 10m agus 3.30f a h-uile latha. ’S ann 9.45m a bhios clàradh na fèise Diluain. 

 

Càite? Àrainn Bhun-sgoiltean an Òbain

 

Cosgais? £90 airson a’ chiad agus an dàrna phàiste às an aon teaghlach. Bidh gach pàiste bho aon teaghlach an-asgaidh às dèidh sin. 

 

Cia mheud cuspairean as urrainn do chompàitichean a dhèanamh? Bidh compàirtichean a’ dèanamh 4 chlasaichean san latha. ’S iad na h-aon 4 cuspairean, aig an aon àm, gach latha. Gheibhear an cothrom 4 chuspairean a thaghadh san fhoirm-iarrtais agus aon a bharrachd.  

 

Am faigh compàirtichean na clasaichean aca air fad a dhèanamh? Bidh sinn a’ feuchainn cho mòr ’s a ’s urrainn ach bidh e a-rèir cho mòr ’s a ’s urrainn don chlas a bhith, dè cho farsaing ’s a tha ìre-cluiche gach compàirtiche msaa. Mar as trice thèid na chlasaichean a thabhainn do na ciad daoine a chlàr an toiseach. 

 

Am bu chòir dhuinn ar n-ionnsramaidean fhèin a thoirt leinn? Chan fheum mura h-eil ionnsramaidean agaibh a-staigh. Ma tha ionnsramaid agaibh, bheir leibh iad le ur n-ainm fhèin orra. Tha banca beag de dh’ionnsramaidean againn as urrainn do chompàirtichean a dhèanamh feum dhe ach mas urrainn dhuibh ur n-ionnsramaidean fhèin a thoirt leibh, bhiodh sinn fada nur comain.  

 

Am bu chòir dhuinn bogsa-bìdh a thoirt leinn? Bu chòir. Bheir leibh a h-uile latha iad. Bidh sinn cuideachd a’ creic greimeanan-bìdh aig àm lòn. Na toir cnòthan leibh air eagal ’s gu bheil duine nach eil a’ gabhail riutha gu math.